ازاى تخنق اخوك

ازاى تبقى رذل مع اخوك


طلع عليه اسمه يستفز وناديله بيه يعنى لو جت ناحيته دبانة مرة بالصدفة كده
سميه دبانة وأستلمه بقى رايح فين يا دبانة جاى منين يا دبانة ياعم أقعد متعملناش فيها دبانة بحق وحقيقى
فكره بالمواقف بتاعت زمان الى بتضايقه كلها زى علقة حلوة كده من بابا او ماما

هات حاجات ورذل عليه بيها يعنى مثلا لو بيحب الشوكولاته كل ماتدخل البيت هات واحدة فى إيدك وكلها قدامه
ولا أقولك هات علبة وكل ساعة كل واحدة قدامه لحد ما يتحايل عليك تديله منها أو يتغاظ وينزل يجيب

وأنت داخل البيت قوله فى واحد صحبك مستلا تحت متقولوش هو مين عشان ميعملش ناصح ويتصل بيه يقوله اطلع
قوله هو صحبك وأنا عارف شكله بس معرفش اسمه وخليه ينزل ويطلع على الفاضى

لو انت الكبير قوله انت فاكر نفسك كبرت على الضرب ولا أيه و الكلمة دى رذلة ومستفزة جدا

خليه يحط حاجة كانت فى إيديه زى مثلا قلم ولا موبايله بمجرد ما يحطه خبيه أنت علطول
هيرجع مش هيلاقيه هيتغاظ جدا وهيفضل يقول دانا لسه حاطه هنا بإيدى من شوية

لو نايم استخدم اى طريقة عشان تصحيه من النوم وهما كتار ما شاء الله
عشان الى معندوش خبرة برضه أقولك تعمل أيه
قيد النور كأنك بتدور داخل تدور على حاجة
وشغل أعلى نغمة فى موبايلك كأن حد بيتصل بيك و يا سلام بقى لو كان موبايل صينى
ومفيش مانع تدور على الحاجة دى تحت المخدة والمرتبة الى هو نايم عليهم
مش هوصيك بقى وأنت بترفع المخدة الى عليها راسه عشان تبص تحتها

لو أنتوا الأتنين نفس نوع الموبايل أقعد ألعب فى البطارية بتاعتك عشان تبقى يادوب هتفضى
وروح غير البطاريات وسيبهاله على شعره يعنى لو حد بس رن عليه ولا هو فكر يشوف الساعة
هيفصل منه شحن وياسلام بقى لو مستنى تليفون ضرورى وفصل منه شحن تبقى مية مية
ولو قالك هات بطاريتك إوعى تفرط فيها صحيح هى بطاريته بس هو هيعرف منين فك

لو شارى لبس جديد أصحى أنت من الفجر وألبسه وأنزل بيه ولو أتصل بيك قوله أصل أنا صحيت
وملقيتش حاجة ألبسها روحت لبسته بقى وخلاص وبعد كده أبقى اشترى هدوم أحسن من كده
عشان لما أتزنق فى هدوم وأحب أخرج الأقى حاجة كويسة وأقفل فى وشه بالمرة بلاش قرف
مش شرط لبس بس أى حاجة جديدة لازم تحط عليها بصمتك السحرية الأولى قبل مايفرح بيها

أمسح الحاجات الى على الكمبيوتر الى هو بيحبها أفلام أغانى صور برامج أى حاجة
قوله أنا كنت مشغل الأنتى فيروس وهو الى مسحهم شكلهم فيهم فيروس وفيروس رذل كمان إحم إحم
لو واخد ميعاد من حبيبته يكلمها مثلا على الساعة 10 باليل كده على النت ولا حاجة
أنت قبلها بشوية تقعد تذاكر وتقوم تقول لباباك أو مامتك أنا عايز الكمبيوتر أريح شوية أنا بذاكر من بدرى
خليه هو يروح يذاكر شوية لحد ما أريح ويبقى يجى يقعد وتبقى ضيعت عليه اليلة

ينهاااااااااااار انى بتحبى اخواتك اوى يا شيرى

هههههههههههههههههههههه

يسلموووووووو

لا انا والحمد لله عندي اخويا الكبير

هو بيعمل فيا كللل ده
مشكوووووره يا شيري
يسلمووووووو

توبيك جامد اوى يا شيرى

وانا واخويا بنعمل كدا فى بعض

بصى على فكره انا لو عملت اى حاجه مع اخويا اللى اصغر منى
اكيد مش هتشوفونى عايشه لانى هاكل علقه جامده موووووت
مشكوره يا شيرى يا قمر
انتى ممكن تعملى كدا مع اخوكى؟

ميرسى ليكم كلكم وانتى اكتر والله يانونا وحشانى موووووووووووت

انتى ممكن تعملى كدا مع اخوكى؟


والله ياروفى مش عارفه بس اخويامش عارفه بس والله لاعمل فى واشوف رد فعله \ ا

hhhhhhhhhhhhhhhhhhhhh
ay 5ed3aaaat

ههههههههههههههه
للاسف ياشيرى انتى عارفه مليش اخوات ولا اكبر ولا اصغر

هههههههههههههههه
خلاص تعالى خدى اخويا لفه