shbabbanisuif
مرحبا بكم فى منتدى شباب بنى سويف

]

انت غير مشترك/ه فى المنتدى نرجو منكم الاشتراك و مشاركتكم لنا بموضوعاتكم القيمه

مع تحيات ادراة المنتدى

shbabbanisuif

 
الرئيسيةمرحبا فى منتدىس .و .جبحـثالأعضاءالمجموعاتالتسجيلدخول.
egypt welcome to free dom

شاطر | 
 

 اقوى دوره تدريبيه للرخامه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
MaG!C
vip
vip
avatar

عدد المساهمات : 1104
نقاط العضو : 1319
تاريخ التسجيل : 13/07/2010
العمر : 25
الموقع : بنى سويف

مُساهمةموضوع: اقوى دوره تدريبيه للرخامه    الخميس ديسمبر 30, 2010 11:36 am

اول حاجة
انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل على اخرة
ودى فرصتك يامعلم عشان تزهق فى خلق الله
اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس يقف والناس تنزل
انزل قلب فى الشنط وطلعها برة ووقعها وافردها فى الشارع وتوه الشنط فى بعض بحجة انك بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى الشارع تدور على شنطها

تانى حاجة
وانت بتحجز خلى كرسيك جمب الشباك
ادخل انت الاول ومتقعدش فى الكرسى الى انت حاجزة لا اقعد فى الى جمبة طبعا الراجل الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل يقعد فية جرى خلية يقعد سيبة متكلموش
سيبة ساعة واتنين لحد مايكيف على المكان ويسلام لو كان نام وفى عز نومة ازغدة فى قلبة وقولة دا مكانى ياعم
هيزعق ويقول انا قعدت فية الاول طلع التذكرة وحطها فى عينة او انده للسواق او وقف الاتوبيس واعمل خناقة لحد ماتقعد مكانك

تالت حاجة
قعدت مكانك وظبطت نفسك ياعم طبعا الراجل الى جمبك دا مش طايق يبص فى خلقتك خليك مبتسم دايما ومبسوط فى وشة عشان يتغاظ اكتر واديلة رست شوية
خش على الى قدامك شوية افرد رجلك من تحت الكرسى وخبط فى رجلية كل شوية وان اكلم قولة اعملك اية رجلى طويلة ابقى احجزلك كرسيين ورا بعض ويسلام لو حاطط اكل تحت الكرسى اخبطة ووقعة فى الارض

وكدة يبقى خلصت على الى قدامك ارجع للى جمبك تانى
اول مينام ويريح نفسة صحية وقولة عدينى اروح الحمام لو سمحت هيقوم متغاظ طبعا وانت بتعدى حط ايدك على وشة
دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فية ضحية تالتة
قولة سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش غير حمام واحد
واما تخرج لو لاقيتة لسة مستنى قولة على فكرة المية قطعة وسيبة وامشى

كدة يبق انت كفرت كل الى فى الاتوبيس تقولى ياعم انت مزهقتش غير تلاتة هقولك لا
بطريقة الشنط زهقت شوية
واتمنى ليكم رحلة خنيقة


تانى حاجة فى الحياة العملية اللولبية ادخل اى محل جزم ويسلام لو كان فية زباين اقعد استنى لحد مازبون يقلع جزمتة عشان يقيس
تقوم سادد منخيرك وتمسك بطنك وتقول اووووووووووووف وتعمل اكنك عايز ترجع وتقول لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى زى الطمطماية



رابع حاجة

ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وهقهق اوى ويسلام لو وقعت على الارض من الضحك وبصلة من فوق لتحت خلية يشك انة مسخرة هتلاقية عملها على روحه

خامس حاجة

ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول عشان انت جى الاول قولة لا خلص المزمزيل الاول هتقولك شكرا والراجل هيقوك اوك اول مايبدا معاها زعق اوى وقولة اية ياعم مش انا جى الاول ولا هيا كوسة ولا عشان بنت يعنى سبحان الله يجدعان نموت نفسينا يعنى عشان رجالة وسيبة وامشى قبل مايكلم ولا كلمة



سادس حاجة

شوف واحد ماشى فى الشارع وعدى من جمبة وامسك منخيرك وقول يخرب بيت الاكل فى الشارع وبصلة شوية بقرف وامشى فى حالك


سابع حاجة




وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة طبعا هيتحرجوا يكلموك بس هما اصلا ميتين من الغيظ



تامن حاجة

وانت بتاكل في اي مطعم ارمي نفسك علي الارض وصرخ وسمع الناس اللي بتاكل وقول جالي تسمم من الاكل
ورخم اكتر ومدتفعش حساب الاكل وامشى على كدة

تاسع حاجه
سوق عربيتك في الاتجاه المعاكس واي عربيه تعدي من جنبك اشتم صاحبها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
COOL GIRL
عضو مبدع
عضو  مبدع
avatar

عدد المساهمات : 386
نقاط العضو : 414
تاريخ التسجيل : 24/07/2010
العمر : 22
الموقع : اول بيت جنب الشجرة اللى قلبوها نخلة بعد الاحتلال

مُساهمةموضوع: رد: اقوى دوره تدريبيه للرخامه    الجمعة يناير 14, 2011 2:36 am

يا للللللللهههههههههههههههههههههههههوى على ابو الرخامة اللى فى الدنيا كله
دة انا لو قابلت حد كدة مش هيكفينى فيه مؤبد
هههههههههههههههههه
تسلم يا ميدو على الرخامة المتناهية
:harhar1: :harhar1: :harhar1:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MaG!C
vip
vip
avatar

عدد المساهمات : 1104
نقاط العضو : 1319
تاريخ التسجيل : 13/07/2010
العمر : 25
الموقع : بنى سويف

مُساهمةموضوع: رد: اقوى دوره تدريبيه للرخامه    الجمعة يناير 14, 2011 3:45 am

هههههههههههههههههه
العفو العفو
ديه اقل حاجه عندى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اقوى دوره تدريبيه للرخامه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shbabbanisuif :: (**منتدى عام**) ::  قسم العام-
انتقل الى: